Berlingo Euskal Etxea Korrika ospatzera doa 2024ko martxoaren 16an, eguerdiko 13ean. Euskal Herrian egun hauetan ospatzen ari den festa handiaren baitan Berlindik egindako keinu txikia da.
Ibilbidea kilometro eta erdi pasatxokoa izango da, eta betiko moduan, edonork jarraitzeko gisako erritmo erosoan ariko gara. Neukölln auzoko Kino Moviemento zinema aretoaren kanpoaldetik irtetera goaz aurtengoan. Han ospatu ohi dugu urtero Baskisches Filmfest zinema jaialdia, martxan ipintzeko toki ezin aproposagoa beraz.
Behin korrikaldia -pasealdia- bukatuta, janari eta edariez indarrak berritu eta musikaz gozatzeko parada izango da Milchbarren. Izan ere, Korrika aukera bikaina da lagun zaharrekin topa egin eta adiskide berriak egiteko. Zatoz, ederki pasako dugu elkarrekin!
Aurreko KorrikakIgela argitaletxearen eskutik, W. G. Sebald idazlearen 'Austerlitz' eleberriaren itzulpena aurkeztera zuen Berlingo Euskal Etxea, 2022ko apirilaren 29an, lepo bete zen Mitteko Club der polnischen Versager aretoan. Ez dira gutxi Austerlitz azken hamarkadetako literaturaren ale gorenen artean ipintzen duten kritikariak. Nobela euskaraz irakurri ahal izatea mugarria da. Hain lan konplexuari heldu zion Idoia Santamaría itzulpen prozesuari buruz aritu zen.
Apirilaren 8an, Euskal Herritik bidaiatutako hiru taldek kontzertua eskaini zuten K-19 aretoan. Euskarazko zuzeneko musika itzuli da behingoz Berlinera, eta irrika zegoen: izan ere, jendez gainezka zegoen K-19, eta giroa apartekoa izan zen...
Hiru urteko geldialdiaren ondoren, Korrika Berlinera ere itzuli da 2022ko apirilean. Seigarrenez ospatu du Euskal Etxeak lasterketaldia Alemaniako hiriburuan: aurten, Kreuzbergen hasi, eta Oberbaumbrücke zubia igarota Friedrichshain auzoko Boxhagener Platz izan du jomuga.
IkusiMartxoaren 25ean, Sua izeneko poesia erotiko irakurtaldiaz gozatzeko parada izan genuen, Euskararen Egunaren harira. Euskal poeten lan hautatuak irakurriko ziren Friedrichshaingo K19-an, giro atseginean eta musikak lagunduta
Herrialdeen eta generoen mugak lauso bilakatu zituen emanaldia. Katalina Erausoren bizitza gogora ekarri zuen errepertorio aberatsa eskaini zuen musikari eta abeslari talde batek, Kühlhaus aretoan.
IkusiAspalditik Berlinen bizi den Irati Elorrieta idazlearen eleberria aitzakia hartuta emanaldia antolatu zuen Euskal Etxeak. Hiriburuko euskara ikasle alemanek 2019ko Euskadi Literatura Saria irabazi zuen obraren pasarteak irakurri zituzten.
Ikusi