Pensa, rima, bota!

Ahozkotasuna eta inprobisazioa ardatz, bi eguneko ekitaldia izan zen, Galizia, Katalunia eta Euskal Herriko kultur adierazpenekin: Regueifa, Glosa eta Bertsoa. Lupe Blanco, Uxue Alberdi eta Maribel Serveraren emanaldiaz gain, Eñaut Elorrietak kontzertua eskaini zuen.

Bizkarsoro

Manex Fuchs aktore eta ekoizleak Bizkarsoro pelikula aurkeztu zuen Kino Moviementon.

Hitzaldia: Ingo Niebel

Ingo Niebel kazetari eta historialaria gonbidatu genuen bere azken liburua, "A la caza del primer Lehendakari: Franco, Hitler y la persecución del primer presidente vasco", aurkeztera.

Euskararen Eguna 2024: Dylan Inglis

Aurtengo Euskararen Egunaren harira, bi ekitaldi antolatu ditu Berlingi Euskal Etxeak Dylan Inglis irakaslearekin.

Baskisches Filmfestival 2024

Euskal Zinema Jaialdia ospatu berri du Berlingo Euskal Etxeak. Urteroko gisan, euskal zinemaren ekoizpen garaikideen hautaketa bat aurkeztu dugu, 'Bidasoa 2018-2023', 'Bolante baten historia' eta 'Zinzindurrunkarratz' pelikulekin, egileak bertan zirela. Milesker bertaratutako guztiei!

Euskal Diasporaren Egunean, piknika

Euskal Diasporaren Egunaren harira Tempelhofer Feld-en piknika egun zuen Berlingo Euskal Etxeak. Irailaren 7an izen zen. Ekitaldi hau elkar ezagutu, solasean aritu eta hurrengo ekitaldien inguruan hitz egiteko baliatu ohi dugu.

Sant Xoan Gaua

Berlingo Euskal Etxeak -De Berlin Son e. V. eta Castellers de Berlin-ekin batera-, San Juan Gaua ospatu zuen, Kreuzbergeko Teepelanden. Suaren inguruan Castells-ez, Foliadaz eta Queimadaz elkarrekin gozatu genuen.

Gernika 87 Jahre

Gernika Kulturverein Berlingo Euskal Etxeak urtero bezala Gernikako bonbardaketa oroitzeko ekitaldeia ospatu zuen apirilaren 27ean.

23. Korrika Berlinen

Berlingo Euskal Etxeak Korrika ospatu zuen 2024ko martxoaren 16an, Neukölln eta Kreuzberg auzoetan. Euskal Herrian ospatzen den festa handiaren baitan Berlindik egindako keinu txikia zen. Giro apartekoan, bazkide eta lagunek egun zoragarria igaro genuen.

Baskisches Filmfest 2023

Berlingo Euskal Etxea urteroko zinema jaialdia ospatu zuen 2023ko azaroan. Paul Urkijoren 'Irati', Ander Iriarteren 'Karpeta Urdinak' eta Maru Soloresen 'Aztarnak' izan ziren eskainitako filmak. Betiko moduan, Neukölln auzoko Kino Movimienton izan ziren emanaldiak, euskaraz eta azpitituluekin.

Liburu aurkezpena: Kirmen Uribe

'Das Vorleben der Delfine' (Izurdeen aurreko bizitza) nobelaren alemanerako itzulpena aurkeztu zuen autoreak berak Berlingo Cervantes institutuan. Uriberen azken obra dena Stefan Kutzenberger itzultzaileak ekarri du euskaratik alemanara. Maddalen Subijanak aurkeztu zituen egilea eta nobela.

Poesia irakurraldia: Eva Perez-Pons

Mintzalagun programaren baitan, eta Weideneko poesia itzulpenaren jaialdian parte hartzeko Alemaniara zetorrela baliatuta, Eva Perez-Pons idazlearen irakurraldia izan genuen Neukölln auzoko Karanfil kafean urriaren 25ean.

Hitzaldia: Jon Argintxona Badiola

'Gernika eta Guernica. Memoria, Askatasuna, Sormena' hitzaldia eskaini zuen 'Gernika Memoriaren Lekuko' plataformako Jon Argintxona Badiolak Dudenstrasse 10eko Mediengalerien, urriaren 21ean.

Liburu aurkezpena: Austerlitz

Igela argitaletxearen eskutik, W. G. Sebald idazlearen 'Austerlitz' eleberriaren itzulpena aurkeztera zuen Berlingo Euskal Etxea, 2022ko apirilaren 29an, lepo bete zen Mitteko Club der polnischen Versager aretoan. Ez dira gutxi Austerlitz azken hamarkadetako literaturaren ale gorenen artean ipintzen duten kritikariak. Nobela euskaraz irakurri ahal izatea mugarria da. Hain lan konplexuari heldu zion Idoia Santamaría itzulpen prozesuari buruz aritu zen.

Kontzertua: La Rekba, Tatxers eta Txakurrak

Apirilaren 8an, Euskal Herritik bidaiatutako hiru taldek kontzertua eskaini zuten K-19 aretoan. Euskarazko zuzeneko musika itzuli da behingoz Berlinera, eta irrika zegoen: izan ere, jendez gainezka zegoen K-19, eta giroa apartekoa izan zen...

22. Korrika

Hiru urteko geldialdiaren ondoren, Korrika Berlinera ere itzuli da 2022ko apirilean. Seigarrenez ospatu du Euskal Etxeak lasterketaldia Alemaniako hiriburuan: aurten, Kreuzbergen hasi, eta Oberbaumbrücke zubia igarota Friedrichshain auzoko Boxhagener Platz izan du jomuga.

Poesia emanaldia: 'Sua'

Martxoaren 25ean, Sua izeneko poesia erotiko irakurtaldiaz gozatzeko parada izan genuen, Euskararen Egunaren harira. Euskal poeten lan hautatuak irakurriko ziren Friedrichshaingo K19-an, giro atseginean eta musikak lagunduta

Kontzertua: 'Crossing borders'

Herrialdeen eta generoen mugak lauso bilakatu zituen emanaldia. Katalina Erausoren bizitza gogora ekarri zuen errepertorio aberatsa eskaini zuen musikari eta abeslari talde batek,  Kühlhaus aretoan.

Irakurketa: 'Neguko argiak'

Aspalditik Berlinen bizi den Irati Elorrieta idazlearen eleberria aitzakia hartuta emanaldia antolatu zuen  Euskal Etxeak. Hiriburuko euskara ikasle alemanek 2019ko Euskadi Literatura Saria irabazi zuen obraren pasarteak irakurri zituzten.